23 лістапада адбылося чарговае пасяджэнне ШМА класных кіраўнікоў сярэдняга звяна “Інтэрактыўныя формы і метады работы ў выхаваўчай дзейнасці класных кіраўнікоў”. Педагогі наведалі класную гадзіну ў 7 классе “Бяспечны Інтэрнэт” з выкарыстаннем прылажэння LearningApps.org (класны кіраўнік Лемяшэўская Л.П.).

  Чаеўская М.П. падзялілася вопытам работы па прымяненні актыўных формаў работы з навучэнцамі і іх законнымі прадстаўнікамі.  Харытон А.І. расказала аб прымяненні кейс-метада як формы фарміравання адказных і свядомых паводзін у навучэнцаў сярэдняга і старэйшага школьнага ўзросту. Вызвала цікавасць выступленне Старавойтавай В.С. аб выкарыстанні сэрвісаў Web 2.0 у рабоце класнага кіраўніка. Таксама педагогі абмяркавалі важныя пытанні па прафілактыцы кіберзлачыннасці, павышэнні лічбавай граматнасці навучэнцаў.

 Класныя кіраўнікі адзначылі важнасць разгледжаных пытанняў, папоўнілі метадычныя капілкі цікавымі формамі работы.